طريقتي في صنع العسل الأبيض .....سهلة جدا ...اقتصادية و نتيجة راااااائعة

السلام عليكم

رأيت العديد من وصفاة العسل الأبيض و كل وحدة و كيفاه تخدمها و تجي نتيجتها ما شاء الله بصح أنا الوم حبيت نحطلكم وصفتي الساااااهلة و ماهلة و ما تتعبوش خلاااص و اقتصادية تصنعيها بالسكر و الماء فقط


المقادير: كيلو سكر
لترين من الماء
سكر فانليا إذا أردتي التنكيه
و إذا حبيتي ديري ماء زهر البرتقال نونورس تجيك ريحتو كيما المشري تاع نونورس

بصح أنا وصفتي بالماء و السكر فقط باه تكون إقتصادية صح صح و انتي وش حبيتي تزيدي منكهات فاني أو ليمون او ماء وهر

فقط ما ديريش القرفة راهي شوي دير اللون نتاعها في العسل

الكيفية :

تجيبي كوكوط نتاعك ( ماديريش الكوكوط الصغيرة ما تكفيكش) ديري كيلو السكر و ربع كمية الماء يعني نصف لتر و ديريهم على النار حتى يذوب السكر و يدير فقاعات ما تخليشو حتى يحمار لازم يبقى أبيض و هنا تبدي تصبي الماء الي بقا لتر و نصف الباقي و نقصي نار خليه على نار هااااادئة و حطي غطا الكوكوط ما تصكريش عليه و خليه يطيب بعقلو يطول حتى 2 سوايع و أكثر


و انت و كيفاه تحبي الكثافة نتاعو تحبيه ثقيل و لا خفيف شوي حلى حسب الحلوى نتاعك

بهاذا العسل نستخدموه في الحلويات البيضاء لأنو العسل الأحمر يأثر شوي على الحلوى : مثل البقلاوة البيضاء أو قاطو عين الجمل ....الخ


يا رب نكون أفدتكم

via مدونة لكل الجزائريين و العرب http://ift.tt/1P98Hjf