الغريبة الملونة
من احب الحلويات عندي الغريبة لهذا نحب نتفنن ونوع فيها
والغريبة الملونةشكلها انيق نقدرونحطوها في الاعياد والمناسبات
المقادير
كيلةسمن ذايب وبارد
فنجان قهوة كبير شوي زيت
كيلة غير ربع سكر
فاني غبرة حوالي نصف مغرفة صغيرة
مغرفة اكل نشاء
الفرينةحسب الحاجة
ملون غبرة احمر واخضر
حب الملوك مصبر
الطريقة
نذوب الزبدة ونكيلها نخليها تبرد شوي +الزيت +السكر قلاص ونخلط بالمغرفة ونحطها في الكونجيلاتور
لما تجمد نخرجوها ونكسروها شوي بفرشيطة ثم نباتوها مليح بالباتور حتى تبياض وتجمد
ثم نقسموها على 2اقسام متساوية قسم نضيفولو ملون اخضر وقسم نضيفولو ملون احمر ثم نزيد النشاء ونبدى نزيد الفرينة ونخدم بكف الايد حتى نتحصل غلى عجينة حاكمة روحها مليح الاحمر وحدو والاخضر وحدو نهز كويرة نجرب نطيبها الا حكمت روحها نكمل الا سالت نزيد الفرينة ونكمل
نعمل 2كويرات صغار وحدة وردي ووحدة خضراء نلصقهم مع بعض ونكورهم نتحصل على كويرة بلونين نحطها في بلا مرشوش عليه شوي فرينة ونرشقها بالسوريز المصبر ونحطها تطيب في فور سخون ونارقليلة ونحطها في الرف الي فوق الوسط ونخليها طيب لما نشوفها نشفت وطابت من تحت نطفي عليها ونخليها شوي في الفور ونخرجها تبرد ثم نحطها في لي كيسات وشهية طيبة
وهذي الصور توضح المراحل
لا تنسوني حبيباتي من صالح دعائكن بظهر الغيب و جزاكن المولى بمثلها و أحسن
اللهم أدمها نعمة و بارك لنا فيها و احفظها من الزوال
اللهم أدمها نعمة و بارك لنا فيها و احفظها من الزوال
via مدونة لكل الجزائريين و العرب http://ift.tt/1wSgCsD
Aucun commentaire:
Enregistrer un commentaire