كيف يتم تحضير شاورما الدجاج طريقة اعداد الشاورما الجزائرية

السلام عليكن الكل يعرف شاورما الدجاج لكن الشيء اللي ابتكرته هو الطريقة الساهلة اللي تتعمل بيها خاصة للمبتدئات والدوق هو نفس دوق شاورما المحلات على ضمانتي و عملت معاها الرغيف السوري وكريمة التوم اللي تحب مقاديرها نحطهالها

نخليكم مع الصور

المقادير

فيما يخص التتبيلة هي

في ميكسور حطي بصة صغيرة+2سنات ثوم+نصف مغرف كمون+مغرف هريسة +شوية كسبر وكروية+مغرف كبيرة خل +مغرفكبيرة زيت+ملح وفلفل اسود حسب الرغبة خلطي الكل وحطي السكالوب فيه من ساعة فما فوق ثم دخليه للفرن على 220 بعد ماتغطيه بالالمنيوم وفي آخر ربع ساعة نحيه وخليه ينشف شوية قطعيه شرائح طويلة بالسكين والباقي موضح بالصور

للامانة التتبيلة وراتهالي اخت في منتدى وكنت نعملها في اعواد الشواء وطريقة الفرن انا اللي ابتكرتها وجربتها والنتيجة روعة وزيد سهلة جدا

اما الرغيف السوري اللي تحب نحطلها المقاديرد

المقادير

كلغ فرينة

ملح

2 ملعقة كبيرة سكر

كاس شاي زيت

1 ملعقة كبيرة خميرة خبز

ماء دافيء للعجن

نخلط جميع المواد حتى نحصل على عجينة لينة و ما شي جامدة

ندلكو مليح و نخلوه يخمر

من بعد نشكلو كويرات صغار نحلوهم بالرولو و نرشوها بالفرينة

و نحطو قرص فوق قرص و بيناتهم نديرو ورق المطبخ

نخليهم يريحو 10 دقايق و نحمي مقلة فوق النار و نرمي

القرص الاول غير يبدا يدير فقاعات نقلبوها و نواصلو في

التقليب حتى طيب ونعمروها بواش نحبو



فقط حبيت نقلكم بلي السكالوب او اي نوع من اللحوم مالازمش يتقطع مباشرة بعد خروجو من الفرن لانو راح يفقد العصارة اللي فيه وينشف خليوه يرتاح اقل شيء 5د ومن بعد قطعوه











شاهد الموضوع كاملا بالصور على الرابط التالي :

http://sh.st/uv5mz



http://sh.st/uv5mz



ملاحظة : في حالة لم يتم الانتقال التلقائي للموقع اتبع التالي :

اضغط على الرابط .......انتظر 5 ثواني ........اضغط على skipe this ad في الجهة العلوية



شهية طيبة للجميع

via مدونة لكل الجزائريين و العرب http://ift.tt/13RDL5J