كيكه البرتقال بصوص كراميل

السلام1

واش راكم يا لبنات اللي تحب حاجه ساهله و بنييييييينه تتفضل معايا للكوزينه

نبداو اولا بطريقه الكراميل

المقادير

2 م ك زبده

2 م ك عسل

كاس سكر ( انا ما عمرتوش ما نحبش لحلاوه )

نحطوا كل المقادير في كسرونه علي نار متوسطه حتي يذوب السكر ويهزوا الغليه نقصو للنار و نخلوهم 2 دقايق نعصروا عليه نص قارصه و نطفيو النار

نكونوا من قبل موجدين المول نتاعنا و داهنينو بالزبده نصبوا فوقو الكراميل نخلوه يبرد شويا و نزينوه بالبرتقال حسب الرغبه

انا البرتقال نتاعي مسكين مكونجلي من العام اللي فات عليها شكلو ماش شباب



[IMG]photo 2 09-42-10.JPG[/IMG]









ذرك نروحوا لمقادير الكيكه

3 بيض

كاس و نص فرينه

نص كاس سكر

نص كاس زيت

ثلاث ارباع كاس عصير برتقال

مبشور برتقال

1 خميره قاطو

فاني

بالباتور نضربوا البيض مع السكر و فاني كي يطلعوا مليح نزيدو زيت ونضربو ثم عصيروزاست و نضربوا من بعد بالمغرف نزيدوا الفرينه مع الخميره منخوله و نفرغوا في المول

درجه الحراره 180 تقريبا 40 الي 45

كي نخرجوها نخلوها تريح 4 دقايق و نقلبوها















انشا الله تعجبكم و تجربوها

رايكم يهمني و شكرا لكل من دخل موضوعي

via مدونة لكل الجزائريين و العرب http://ift.tt/1E0HRVK