♥التورلي♥

اللهم صلّ على سيدنا محمد صلاة ترضيك وترضيه وترضى بها عنّا يارب العالمين

وعلى اله وصحبه اجمعين والتابعين باحسان الى يوم الدين



كيف احوالكم بنااات

وكيف احوال رمضان عندكم

ربي يتقبل منا ومنكم صالح الاعمال

ويجعلنا من عتقاء النار في هذا الشهر الفضيل

اللهم امييييين



حبيت نشارككم هاذ الوصفة



وصفتنا اليوم تدعم استهلاك الخضر في هاذ الشهر الفضيل

مايخفاكمش قيمتها الغذائية ...

وأهميتها في تغذيتنا وتغذية أولادنا

هاذ الطبق اكيد معضمكم يعرفوه او يديروه كل وحدة بطريقتها

انا الحقيقة ماكنتش نعرفلو اسم

هكذا تعلمته..نديره وخلاص

حتى واحد النهار نحكي انا وصاحبتي مصرية

قاتلي حتى احنا نديروه واسمه "التورلي"

مهما اختلفت تسميته

الجميل فيه انه يعتمد على تنوع الخضر في الطبق الواحد

ولذيذ ...

والاجمل أنه ممكن نديروله من بعد إعادة تدوير (ريسيكلاج) :rolleyes:

حبيت اليوم نشارككم الوصفة

خاصة وأنه كاين معانا بنات ماشاء الله راهم يتعلّمو

وبالمناسبة نشكرهم على ردودهم واهتمامهم :mh31:

هاهو الطبق أولا













نعتذر منكم ماقدرتش نصوره على الطاولة

راكم علابالكم وقت الفطور

وانا نصور قادرة نتحاوز :o



ومايخلعكمش هذاك البودا اللي درت بيه الطبق

بالأضلع (لي كوت) يجي أحسن...


وممكن طرف جاج مع 2 مرقاز يزيدو بنّة

دايما كي يجيب المرقاز نسرق زوج في الكونجلاتور

لمثل هاذ الاطباق..

المهم...نروحو للطريقة







لحم حسب المتوفر في البيت+خضر:جلبانة +2 حبات جزر+2 بطاطا+جريوات+قرنون إن أمكن

نضيفولهم 2 ورقات رند +فلفل اسود +ملح +معدنوس+ثوم +ماء +زيت

نحطو اللحم ...

هاذ النوع من البودا يديروه الجزارين هنا عادة في رمضان

يكون محشي كبدة او لحم مرحي مع توابل في مصران غليظ

لكن مش مشروط لأنه كما قلت بليكوتلات الطبق مايتشبعش







ونضيفوله الخضر مقطعة بهاذ الشكل







وندقّو 4 سنينات ثوم كبار في المهراس





ونضيفولها معدنوس مقطع وملح وفلفل اكحل





نضيفهم للخضر مع شوية ماء

بحيث مايتغطاوش الخضر كامل

وشوية زيت حسب درجة ليدام نتاع اللحم







هكذا





وندخلوه الفرن ولما يبدا يغلي نحاول نطل عليه كل ربع ساعة او عشرين دقيقن نقلبه



كل شوية





هكذا حتى يطيبو كل المكونات



وينشف من المرق





تبقى المكونات رطبة مش جافة وفي نفس الوقت ماكانش مرق سائل فيه

وهذا هو اللي يخليه مميز





هاهي الخضر كفاه تكون...شهية ...ونديّة ....وصحية

:1:

لذا لازم نقلبوها فور ماتخرج







ونغطّوها باه ماتنشفش لوقت التقديم



وان شاء الله يعجبكم الطبق








شكون مازال مايحبّش الخضر يروح يقرا فايدة كل خضرة على حدى

ويعرف أنه الدوا عندنا في الدار لأولادنا واحنا قاتلينهم بالمضادّات الحيوية :mad:













إذا بقالك من الطبق خاصة في رمضان

تقدري تزيدي عليه بيض وتدّيريه عجّة _اوملات_ للسحور أو لغدا الاطفال

وإذا مازال باقي غدوة

ديريله التمويه والتخفّي

وديريه حشو سوفلي معاه فرماج يجي بنيييييييييين


























ورابط وصفة العجينة

http://ift.tt/1rf3ii1

نتمنى نكون أفدتكم بنيت

ماتنسونيش من صالح دعائكم في هذا الشهر الفضيل

ربي يصلح امور ديننا ودنيانا ويرضى علينا ...ويجعلنا من عتقاء هذا الشهر الكريم

via مدونة لكل الجزائريين و العرب http://ift.tt/1mH6MSN